Една поинаква љубовна приказна
Со оглед на тоа дека љубовните романи се меѓу најчитаните и најпопуларни во светот, во книжарниците секогаш можете да најдете голем избор на вакви книги. Па, не е ни чудно што во морето љубовни приказни, многу често наоѓате такви кои наликуваат една на друга, во помала или поголема мера. Со читањето забележувате дека и карактерите на ликовите се многу слични, како да се извадени од некој добро испробан калап од кој со сигурност добивате производ допадлив за голем дел од читателската публика. Приказните често се веќе видени, направени по некој шаблон на настани, а со тоа и лесно предвидливи. Насловите се привлечни, кориците примамливи, а авторските имиња звучни.
Ако веќе ви е преку глава од ваквите книги и сакате да прочитате нешто поинакво, на вистинското место сте 🙂
Прва книга која ми текнува за да ви ја препорачам е God-Shaped Hole од Tiffanie DeBartolo. Раскажана низ очите на ексцентричната Трикси, нејзината љубовна приказната со слободоумниот Џејкоб започнува вака:
“When I was twelve, a fortune teller told me that my one true love would die young and leave me all alone.
Everyone said she was a fraud, that she was just making it up.
I’d really like to know why the hell a person would make up a thing like that.”
Трикси и Џејкоб се запознаваат на мошне необичен начин. Тој има доволно откачена смисла за хумор да постави оглас во весник, а таа има доволно храброст за да му се јави откако ќе го прочита неговиот оглас:
И тука почнува сè.
Како изгубени сродни души кои повторно се наоѓаат, Трикси и Џејкоб веднаш се поврзуваат, како отсекогаш да се познавале. И како што полека се вљубуваа еден во друг, така јас низ приказната се вљубував во нив двајцата.
“Here’s the thing. I feel like we grew in the same womb or something. Like we’ve been connected from the beginning by blood and veins. Siamese soul lovers. If there could ever be such a thing.”
“Something about being with him made me warm, like I was sitting in front of a fireplace whose embers were barely flickering, yet still giving off heat. It made me feel safe.”
“Everyone’s afraid of something.” I said.
“Okay then,” he said, trying to think of something quickly. “I’m afraid of sleeping another night without you. How’s that?”
Ова е книга која многу брзо се чита, затоа што раскажувањето тече лесно, а читањето е вистинско задоволство. Сигурна сум дека ќе ве обземе љубовната приказна на Трикси и Џејкоб, начинот на кој се запознаваа, започнувањето на нивната врска, текот на настаните и сите мали, ама убави нешта кои им се случуваа. Стилот на пишување е прекрасен, со толку внимателно одбрани зборови, што на моменти ме обземаа истите чувства што ги доживуваа Трикси и Џејкоб. Книгата изобилува со многу убави цитати, а низ настаните се провлекуваат и песни, што уште повеќе му дава магија на читањето.
“Dawn makes a sound. If you listen closely, right as the sun starts to come up, you’ll hear it. It’s like the echo of birth: silence, followed by a gentle push, followed by moans, then the sloppy deluge of new life. On good days I like it because it reminds me that I’m alive. On bad days it makes me feel like dust.”
Она што дополнително ми се допадна е тоа што Џејкоб воопшто не се поклопуваше во оној профил на совршен маж кој толку често се среќава во книгите. Не беше претставен како висок, згоден, мускулест, со нежно лице и скапа фризура, секогаш добро облечен, па згора на сѐ – успешен и богат. Баш напротив. Ама тој слободен дух што го носеше во себе беше доволен да ме освои. Начинот на кој ги впиваше нештата околу себе, а потоа ги трансформираше во зборови, за мене беше многу поважно од неговата долга коса и брада и неговите излитени чизми ?
“Because Jacob’s not like that. He’s never been like that. He’s a damn fool and he wants the exact opposite of all that. He wants someone to obsess over, someone to possess his soul, and those are his corny words, by the way, not mine. It’s what he lives for. It’s what he thinks life’s all about.”
Книгава е вистински коктел од емоции. Ќе ве насмее, ќе ве растажи, ќе ви го стопли срцето, за на крајот да ви го скрши. Ама сепак, нема да зажалите што сте одвоиле време да ја прочитале.
“Don’t waste your time with fear. Fear won’t keep you safe from being hurt.”
